تجربه رائعه عن الصدقة وفعلا الخير والدعاء

بسم الله الرحمن الرحيم

القصه دي أمي حكتهالي عن ابنه زميلها في العمل
لاني كنت بمر بظروف صعبه
حسيت ان القصه أثرت فيا وفادتني جدااااا
وقلت لازم أحكيها للكل علشان يقدروا يسفيدوا منها زيي

الحكايه حكايه بنت طيبه وغلبانه إتجوزت ابن عمها دكتور صيدلي
وكانت بتحبه وكان بيحبها
ومرت الايام والسنين سنه ورا سنه ومافيش لاحمل ولاإنجاب
والبنت تبكي وتقول يارب
وطبعا زوجها زي اي راجل نفسه في طفل
لدرجه ان باباها قالها تعالي ياحبيبتي اقعدي معايا في البيت وسبيه يتجوز
ويخلف ده حقه واحنا مش عاوزين نمنعه من حقه
لكن زوجها رفض وقاله انا متمسك بزوجتي لغايه اخر العمر
والبنت كانت لسه طالبه في الجامعه
لانها اتجوزت وهي في سنه أولي جامعه والي حصل ده في اخر سنه وهي في سنه رابعه
البنت راجعه من أخر يوم في الإمتحان ووصلت البيت بتبص في إيده
ملقتش الإسوره بتاعتها
إسوره بمبلغ تقريبا 3ألاف جنيه
دورت عنها كتير مش لقتها
سألوا في الشارع في الميكروباسات في كل مكان وبردوا مافيش فايده
خلاص إستعوضوا ربنا فيها
وتمر الشهور شهر ورا شهر
وبااها يروح يصلي في مسجد بعيد عن بيتهم
ويلاقي ورقه متعلقه علي بابا المسجد
تم العصور علي إسوره
قال ممكن تطلع هي؟
طب إزاي ودي ضايعه من حوالي 5شهور
قال نسأل مش هنخسر حاجه وأخد رقم تليفون الراجل الي معلق الإعلان
وإتصل بيها وسأله وقاله مواصفات الإسوره
قاله فعلا هي اتفضل تعالي خدها
وبعد الراجل مارحله
قاله انت فين كل الشهور دي انا كل مااعلق اعلان يتقطع ويقع اعلق اعلان غيره
المهم الراجل قاله انا أسف انا بعت الإسوره
قاله ليه تعمل كده؟
قاله معلش انا كنت في أشد الحاجه للمال وزوجتي مريضه ومحتاجه دواء وانا مش معايا
قمت بعت الإسوره واخدت من الفلوس اجيب الدواء والباقي سبته عند جار ليا علشان يحافظ عليها
أخد والد البنت باقي الفلوس وقاله حصل خير وقدر الله وماشاء فعل وروح ومشي
راحل للبنت بيتها وبيحكي الموضوع قدام زوج البنت الي هو الدكتور الصيدلي
قام الدكتور قاله ياعمي روحله وقوله يتفضل يااخد من عندي في الصيدله الدواء كل شهر
لزوجته مجانا طول العمر وكمان يااخد فلوس يصرف منها
راح والد البنت للراجل وقاله الكلام ده وفرح جداااااااا
وقعد يدعي للراجل ولبنته زوجها كتير
ووطلب من الست تدعي لبنته ربنا يرزقها بالذريه الصالحه
والله لم يمر أكثر من شهر والبنت أصحبت حامل ورزقها الله بطفل جميل
والأسره المسكينه انعم الله عليها بالمال والدواء طول العمر

شايفين يجماعه فعل الخي
شايفين الصدقه والدعاء
عاوزين كلنا نتعلم من القصه دي
شايفين فضل الصدقه وإكرام الناس الفقراء
بدعوه من إمرأه مريضه مسكينه تحقق حلم بنت وزوجها بطفل يملأ
حياتهم
إيه رأيكوا ناخد الي حصل ليها عبره لينا
وكل واحد ووحده ليهم حاجه الي نفسها تنجب
والي نفسها تتجوز والي نفسها نتجح والي نفسها والي نفسها والى نفسه يجوز أو نفسه ينجب أو نفسه يكبر فى شغله وربنا يذيد رزقه والى نفسه والى نفسه
نبدأ نخرج الصدقات
نبدأ نشوف فين الناس المحتاجه ونديلهم
لعل ربنا يجعل دعوه من فقير او مريض او محتاح تغير حياتنا
وربنا يبارك فيكوا يارب
ويرزقكم من حيث لانحتسب

قصة اكثر من رائعة

» صباح الخير .. يا ضمير
» الحجاب الشرعى بطريقه رائعه
» أغنيه أكثر من رائعه ( أهداء خاص جدا ) تبق أنت ألى ليا
» ديكورات و تصميمات شقق و فيلل و شركات رائعه
» الشيخ الشعراوى وقصة رائعه عن التوبة