حتى الجواز يا جدعان ..العروسة صينيه

طبعا لا يخفى على احد منا المد الصينى فى شتى المجالات
غزو بمعنى الكلمه أقتصادى (سلع ومستلزمات والات و ...)
وثقافى (أفلام كونج فو وتراث صينى وفوانيس و....)
وغذائى (فول ومكرونه وأرز و...)

أنما فى الجواز كمان
لأ بقى
ده يبقى كثير

أنتشر منذ فترة مقطع فيديو بالبلوتوث يعرض زوجه صينيه بضمان عشر سنوات وقطع غيارها متوفرة وفيها خاصيه مانع النكد وكل ده بكام
ب 1000 جنيه زائد مصاريف الشحن
طبعا اعلان كوميدى الهدف منه الضحك


لكن الكلام المزاح تحول لجد
فعلا هناك عروس صينيه

خد عندك الجزء ده منقول من موقع أخبارى

لوحظ في الفترة الأخيرة انتشار بعض الإعلانات على شبكة الانترنت تروج لعرائس صينية بمواصفات جيدة وبأسعار زهيدة وبدون شروط و متطلبات.. هذه الإعلانات تتكئ على الأزمة التي يعاني منها الشباب في ارتفاع تكاليف الزواج، وتخاطب الغريزة لديهم رافعة شعار " تزوج بأقل التكاليف وبالمواصفات التي تريدها ".

يا نهار مش جميل
كده هيبقى مشكله العنوسه كبيرة قوى
وهيبقى فيه نسل جديد بيتكلم عربى م أتقى اللهر
وممكن الثقافه المصريه تضمحل خلال عشرون سنه امام التنين الصينى
سيبك من ان عنبر ال أتقى اللهور فى المستشفيات هيبقى عمران على طول لان الصينيين بيلعبوا كونج فو


أنت
أيوة أنت لو جات لك الفرصه وعرض حلو وأوكازيون
عروسه بمشتملاتها
ممكن تاكل قليل
وتلبس قليل
وتعيش فى حجرة صغيرة
ومالهاش طلبات

هتوافق