عار عليك قوى يا معمر

عيب عليك قوى يا معمر
لشعبك ولأرضك تدمر
إنت فاكر انك مخلد
ولا ناوى فيها تعمر
يلاحصل حسنى وزين
اترك البلاد يا لعين
إنت خنت ارضك وناسك
دمهم اهو غطى راسك
لسه بيهم ناوى تغدر
عار عليك قوى يا معمر
قاعد تشترى فى الضماير
وانت غافل عن اللى صاير
البلاد لولادها راجعه

وعلى ارض تدفنك هتدور
لسه مش فاهم يا معمر
فهمها زين العابدين
فهمها حسنى وكان فطين
وانت عامل فيها عبيط
لا راضى تفهم ولا يوم تقًًََُدر
متخلع زيهم يا معمر
على بابك وقفو الامريكان
عينهم على التورتة من زمان
مستنين فرصه يا صدام
فاكر هيقمعوا ثورتك
ولا هيدووك الامان
ناسك عليهم مش هتقدر
متفهم الدرس يا معمر
ازاى يحرسوك الحريم
وترضى يحموك يا لئيم
دم ده اللى فى عروقك
ولا نهرك العظيم
فيك القطط يا جرذ تؤمر
ماتيلا قوم ما تيلا قصر
كلامك اجرى غيره
الشعب مش متقبله
ولا حد منا مصدقه
لا كبير فينا ولا صغير
بلاش كدب بقه يا معمر
لعيالك قسمت البلاد
داير تأجر فى الاوغاد
يقتلوا فى الشعب الاعزل
زنبك كبر قوى يا معمر
لما نشوفك بنشمئز
ويصعب علينا الشعب الأعز
ازاى يحكمهم كده مجنون
ازاى عليك الشعب يصبر
يا عم غور محدش حيصبر
بالسخريه بيستقبلوك
وعلى الخبل بيلعنوك
وفاكر انهم بيحبوكب
ده عقل بردو يحكم يدبر
ما تقوم بقه خلصنا وارحل
ماتخد لك كرسى جنبهم
اللى خانو يوم شعبهم
وبظلم طغوا فى البلاد
واستباحوا دمهم
مزبله التاريخ بيكم هتعمر
قاعدين تدمروا فى البلاد
وتستبيحوا أمنها
وناسين ان رب العباد
قادر يجمع شملها
ولا مكسوفين انه فى يوم
بفضايح تخرجوا منها
دانتم جهنم بيكم هتسعر
وبئس المصير يا معمرررررررر

تسلم الايادى