أشرق النور المبين
النهارده اشرق النور المبين و
أنا اللى ياما سألت الفجر امتى؟ العدل فين؟
مصر؟
مصر مين؟
مصر فين؟
مصر بس للموعودين
هما فين وإحنا فين؟
هما مين وإحنا مين؟
مصر للى فى القصور متنعمين
مصر للى ماا تلاقيهم الا فى البسين غطسانين
مصر للى في شرم أو مارينا
هما فى مدينة وإحنا يا صاحبي فى مدينه
مصر للى بيشردوا فى الفلاحين
مصر للى بيطفشو ولادها فى البلاد متسوحين
مصر للى بيستوردوا لك قمح ما طحنته رحايتك
ده قمح بالعلقم ما ياكله إلا المطحونين
مصر للى بيزرعوا لك خير بالسموم مطعون
مصر للى بيطعموك الاكل بالوبا محقون
مصر للى بيشربوها معدنيه ونشرب إحنا ما نعرفها مايه ما نعرفها طين
مصر للى بيبدرو الدهب شمال ويمين
إشى حفلات وعربيات
وفسا تين وبدل سنيه
ويقولو ليك شد الحزام يابيه يا حقود يا حسود يا لعين
إنت امك تقف علشان معاش خيبان فى طابور المنبوذين المذلولين
إنت أبوك يقف يهدر كرامته يجيب لك خمس ترغفه بالحصا متخلطين
إنت تاكل لكيا دوب لقمتين بالدموع متغمسين
واللى يضحك انك عليهم من المحسودين
انت تمشى فى الشارع فى استكانه
يوقفك ظابط بنجمتين
يلطمك لطمه إهانه
تقف قدامه كسير القلب والعين
يركعك بالقوه مع إنك من الموحدين
يفتشك ويلعن سلسفين
تحس انك اتساويت بالمشبوهين
تلقى نفسك وانت سيد الرجال مهين
كنت فاكر نفسك عم الشباب
تلاقى قدرك عندهم اقل من قدر الكلاب
تلقى نفسك جوه نفسك أضعف سجين
تلقى نفسك إن نِفسك لكرامتك تنتقم
بس يا صاحبى معركه مانتش فيها من المنصورين
ده معاه إما طبنجه إما آلىوانت يا غالى لا مقص ولا سكين
ولا قانون يحميك إرجع يا ابنى حنا غلابه وهنا قانون الغابه مكين
أقفل عليك بابك وكب عل نفسك جاز وبنزين
إيه يعنى ولع فى نفسك مانت ياما من الفقر اتحرقت
وفى بلادك وانت منفى
وفى همومك ياما غرقت
والبطاله حد على رقبتك سكين تلم
وايه يعنى منت فى البلد دى تعودت طعم الالم
ضحكوا علينا وقالوا ديمقراطية
والحقيقه المره كان حاكمنا شيوخ منصر وبلطجيه
اما اليوم انهار الحصن المنيع بأمر ربك
اما اليوم انقلع الجدر اللى طالما طعن فى قلبك
اما اليوم انحرق القسم الى قتلوا فيه كرامتك
وآل ايه كانو بيقولوا شويه عيال
اليوم خرت لكوا أشباه الرجال
والكبار رجعوا ورا وقالوا اتقدموا يا خيرمثال
أتاريكى ولادة يا بهيه
حتى البذره فى ارضك بيجرىفيها دم حار
معلش يا امى حقك عليا
اتارى اصغر ما فيكى يقدر يجتث من الليل النهار
يا طغاه المسلمييييييييييييين
خلوا بالكوووووووووووووو
وما هى من لظالمين ببعيد
يا شعوب المسلميييييييييييييييييين
شدوا حيلكوا
اشهدو ان ابن مصر جاها اليوم بعيد
سيروا عل دربناحققوا الامال
هتلاقوا وربنا بر الامان
قلدوا كل حر تونسى مصرى
ده الفجرلما بيطلع بيسلى ينسى
أى ظلم او ظلام للعالمين
وانت يا قدس انتظرنا
حالما يصحى ضميرنا
مش مهم يموت شهيد الف الفين
انتم للموت مصيركم والشهداء للحياه موهوبين
اسمهم بالتبر تاج عل وجه الزمان
مش مهم الدم ينطق من الحيطان
مش مهم الدمع نهر يجرى يروى العطشانين
مش مهم تبكى نساءكم او عيالكوا
نتوا نسيتوا انتوا ليه كنتوا اتخلقتوا؟
اول مرة اشوف بعنيا
الفجر يشرق ساعه مغربيه
ساعه متنحى الظلم من وجه اليقين
اليوم يا حسنى مصر تقلك بكل اللغات
الوداع*جود باى* ابيان توت
لا المصريين يوم هيفنوا ولا خالد سعيد هيموت
والحقيقه اللى ما يوم خطرت ببالك
الله قانونه آية يا ريتك يوم قريتهامبعوته لك
الارض يرثها عبادى الصالحين
ماهى يا ساده قصه ومعروفه من قديم
اما شهاده واما سعادة
انها والله احدى الحسنيين
النهارده اشرق النورالمبين