زيت الزيتون بالزنجبيل(مجرب)

مساء الخير
والله بتوحشونى

انا النهاردة جبتلكوا خلطة (زيت زيتون بالزنجبيل) هى بمعنى اصح (جل حرارى) معمول بالبيت

وطبعا متجربة

اكيد انتوا سمعتوا عنها انا سمعت عنها كتير

واللى خلانى اجربها ان الجل بتاعى خلص وكنت عاوزة

اتمشى فقولت اجرب ومش هاخسر حاجة خصوصا بعد ماسمعت انها بتنعم وبتبيض كمان

استعملتها لمدة شهر وخسيت 4 كيلوا على فكرة الرقم دة مش قليل خالص لأنى معملتش معاها

اى رجيم فى الأكل كنت مهيصة على الاخر

كل اللى عملته انى بتمشى ساعة كل يوم ويوم وكل ماجى اتمشى احطه


القادير هى : سهله جدا جدا

نصف كوب زيت زيتون على حوالى خمس معالق زنجبيل مبشور


الطريقة : يوضع الزيت على النار مع الزنجبيل ويترك لمدة من 5 ل8 دقائق مع التقليب المستمر

هاتسبيه على النار لحد ماتتلاقي الزيت تقل ومش بيبحرك بسهولة على النار

هاتروحى سيباه لحد ما يبرد وبعدين حطيه فى برطمان

وادهنى بيه المكان لما تكونى هاتتمشى او هاتبزلى اى مجهود فى الشقة وهاتلبسى عليه

كيس خضار

انا كنت بحطه على بطنى وفعلا نزل كتيييييييييييراو بالأصح اختفى

جربوه ومش هاتخسرو شىء

وفى ناس تانية كتير جربوه وفرحوا جدا

المميزات اللى فيها انها بتدهن يعنى مفيش اى طعم هايديقك

تانى حاجة للى عندهم اماكن محتاجة تخس وباقى الجسم لاء

يعنى بتتحط على الكرش والأفخاد والأرداف واى مكان نفسك تنزليه



لو فى اى (استفسار-تعليق -نقد-نصيحة)

انا فى انتظاركوا

مرسى ياملوكه على الوصفه الخطيره ديه وفعلا أكثر من رائعه تسلم أيدك

تسلم ايدك يا ملك

عطرتم صفحتى وتركتكم رائحتك الزكية تهفو بداخل اسطر احرفى
تحياتى لمن زار صفحتى لكلا من بوسى ******السيد المنشاوى
احبكم فى الله