يا دنيا اعذرينى الجنة تنادينى

أنامش بتاعك يا دنيا أنا مستنى آخره
ليه أمشى وراكى وأنت مسيرك فانية
أنا ورا الجنة لأبعد حد
ومش هحط الايد على الخد
ومش هستنى لغاية ما أموت
وأقول ياريتنى كنت عملت
أنا هفضل أناضل وآآسى
لحد ما ارتاح بجد
حد يبيع الجنة بدنيا
ده يبقى جنان
ده
الجنة
مستنياك ومستنياكِ
وعلى وعد كمان
لو اشتغلت فى الدنيا بجد
هتدخل فيها ومين قد
مسلم فرحان بجنته
وسابقه الفرحة ضحكته

يا دنيا اعذرينى الجنة تنادينى

لوجالك واحد وقالك
خد دوول ومين قدك
بس ربنا يخليك ليا
مشيلى المصلحة ديا
انا عارف انها مش من حقى
بس مضطر
قوله
يا اخى حرام عليك
انت عاوزنى أرتشى لييييه
ده الراشى والمرتشى ملعون
هو احنا ناقصين ذنوب

يا دنيا اعذرينى الجنة تنادينى

لو واحد جالِك وقالِك
انا مش قادر على بعدك
انا من غيرك تعبان
والدنيا من غيرك ظلام
قوليله
لو الدنيا ظلام فالقبر اظلم اطنان
واوعى تنسى
انك فى يوم داخله يا انسان
هتكون فيه لوحدك
محدش معاك غير عملك
وساعتها هتتسأل
وتعرف
ان كنت فى يوم غلطان

يا دنيا اعذرينى الجنة تنادينى

لو كتبت موضوع عالنت
وعجب الناس وقالوا فِتْ
متقلش ده من افكارى ومجهودى
ده لولا الله ما كنت فكرت
ولا كتبت ولا نقلت
ولا عجب الناس ودخل القلب
قول بحول الله وقوته
قدرت أوصلكم

يا دنيا اعذرينى الجنة تنادينى

ابوك بينادى عليك
قوله
نعم يا بابا انا بين اديك
ده ربنا وصانى عليك
وقالى
بِر امك وابوك
حتى لو ظلموك
ما بالك انت ربتنى
وشلتنى على كفوفك وما رمتنى
يا دنيا اعذرينى الجنة تنادينى

لو انت جوزك زعلك
اوعى تنامى من غير ماتصالحيه
ده النبى قال
اللى هتصالح جوزها لها ثواب كبير
وهيفرح بها رب العالمين

يا دنيا اعذرينى الجنة تنادينى

الناس كلها بتوحد الدايم
وقت الفجر وانت نايم
الناس بتقول يارب رحمتك
يارب ارزقنا جنتك
هااااا
مش عاوز تكون زيهم
مش عاوز تمتلك كنزهم
تجاهد نفسك وتقرب من ربك
يااااااا حظهم

لو حصلك موقف من اللى فات
هيباااااااااان
اذا كنت عاوز جنة ولا نار
اوعى تنسى تقول للدنيا
يا دنيا اعذرينى الجنة تنادينى

كلمات جميلة وراقية ومعبرة حقا سلمت لنا الايادى وسلم لنا قلمك الذهبى الذى يسكب مياة الذهب
اكتب وانا امحو فى بحر كلماتك اشعر بالخجل بين اسطرك لعدم وجود تعبير كافى اعبر لك بة عن رأىى المتواضع فى صفحتك المتكاملة العطرةة تحياتى ننتظر المذيد

بارك الله فيك

» طريق الجنة
» ذنب يدخلك الجنة
» ستبكي ليس فرحاً ولا حزناً ولا خوفاً من النار ولا طمعاً في الجنة ، إنما خجلاً من الله
» أسماء الجنة ومعانيها...........
» دخل الجنة ولم يسجد لله سجدة واحدة؟؟