smsma012
مشرف
عدد المساهمات : 653
السٌّمعَة : 0
تاريخ التسجيل : 17/07/2010
العمر : 37
 |  موضوع: جو تو هل قصيدة ساخرة لنور الدين مهران  السبت 09 أكتوبر 2010, 8:52 am | |
| ماتلومش كتير وتقول ضحيت ؛
وافـــــــ أتقى الله للعالم دا وطنش
وان جالك (ميسد) وقالك تيييت ؛
كنسل ع الحزن وماتردشش
والماضى أوام اعمل له ( دليت)
ماهو قبلك ياما اتســــكو كتير
فيها إيه لو مره انت اتسكيت ؟
..........
متقولش حمار وناقصنى الديل
وتبــخر وقتك فى التحــــليل
ويضيع العمر فى( أوووف وأون)
ورصيد العمر مالوش( تحويل)
........................
متقولش ياعم دى حاجة تشل
واتعلم قول طزين فى الكل
ماهو ياما تعبت وشيلت تقيل
وأخرها اتقالك ( جو تو هل )
...................
إجمد للدنيا ودوس بنزين
هتحس كأن الكل عجين
أصل اللى بيشرب كوكاكولا
غير اللى بيشرب بيتومين
؛
وان مره وقعت فى ناس مجانين!
خليك مجنون اكتر منهم
ماهى دنيا صياعة ليوم الدين ..
ودا طبع الناس غصبن عنهم
ياكلوا الفرفور زى البيتفور
والخوف م الغير بيطمنهم !
وان حبو يعيشو عليك الدور !
(عيشهم فيه)
واعمل غلبان؛ واعمل مسكين
واضحك جواك؛ وانت ال أتقى اللهبان؛
وانت اللى متين.
وان شوفت حرامى فى إيد الناس
حاول نجّيه !
ماحرامى بيسرق فــــ حرامى
ولا الكلابوش للضايع بس
ويخلع منه سعادة البيه !
..................................
صدقنى ياعم انت وهوه
لو عايش بره أو جوه
الدنيا لا عافية ولا قوه
وان فاكر نفسك واد حبيّب
وضاربها مثبت / جل كريم
ومصاحب بس بنات وحريم
أستاذ ورئيس قسم التهيّس
وبتهوى الزنقة ف الأتوبيس
ومنفض ودنك للتجنيد
وبتضرب بانجو وترقص تانجو
أتقى اللهون ف الجيم ياعم شديد
(وبتسمع علَّى الضحكاية
صدقنى نهايتك فى سراية
وياإما يامان هتروح فى حديد )
...................................
وان كات مشكلتك فى الأشواق
والعفش كتير والدنيا غلاء
ومعادش ضمير ولا عاد أخلاق
وياعينى مافيش غير التعجيز
وكرهت الكيوى المتغلف
ومقضّى حياتك بالجميز !
فمصيبتك يابنى دى كوبى وباست
(زى حسام وحماده وتوتو
لاء وكمان الواد عتريس )
...........................
وان شوفت حبيبك متلكك /عمال بيرتب ويتكتك / وفى كل كلامك بيشكك
إرزع علطول السماعة
وان عك ولم عليك الناس/ وعمل لك فيها الواد إخلاص/ ولاقيته مغرق نفسه بجاز
لخص واديله الولاعة
..............................
اما اللى واخدها معاك عافية / وخناقه معاك جابلك كافية /ما تزق عليه الناس الحافية
وسيب انت النار .. تاكل فى النار
واهو ربك عالم..... بالأشرار
صدقنى دى أحسنها طريقه
و خناقك يابنى مع البيئة
م الأخر كده بيجيب العار
.............................
ومتنساش الدنيا مصالح ..... حاول صاحب كل الناس
ضايع؛ فاشل؛ فالح؛ طالح ....... التفاح زى القلقاس
وقت الأزمة ......... بيبقاله لازمة
..........
وخودها نصحية ياعم صريحة
دانت فى دنيا دنيئة قبيحة
فيها الكنكة وفيها الجردل
واللى هيزعل منها مغفل
فيها السيس والشله البيس
فيها الطشت وفيها الكوز
فيها حاجات وبلاوى تغيظ
فيها الضحك مريض وعجوز
بس خلاصة القول إتعلم
لو ليك حق ياريت تتكلم
داللى بياخد مره ويسكت
تانى مره بياخد بالشــــــــــــــوز.
| |
|
