نظريه البتنجان الاسود .. !! .. ؟؟

بسم الله الرحمن الرحيم ..
السلام عليكم ورحمة الله وبركاتة ..

البتنجان الاسود

عمرك رحت منطقه عشواقيه كده..ولقيت عيل صغير..كان بيلعب في الطينه والدبان ملوم عليه وحالته زي الزفت

وسألت نفسك.....طيب العيل ده لو عايز يبقي دكتور هيعمل ايه طيب..في حالته المدهوله دي

طيب تعرف ان في مصر ...الي عايز يخش كليه طيران مدني..لازم يدفع مصاريف ما يقارب النصف مليون جنيه

- هيجبهم من شغلته علي فكره -

طيب ازاي ابن عم عبده البواب هيطلع طيار !؟

واحد يقولي : يا عم دي حظوظ واقدار من عند ربنا

طب ما كده ممكن واحد يقولك...حاشا لله يعني : ان ربنا كده مش عادل في توزيعه علي البشر

ويجي واحد تاني يقولك : بص يابني..- ويقوم باصص للارض كده وواخد نفس عميق..عشان يدل انه راجل

حكيم ومقطع السمكه وبياكل شوكها..: ربنا ممكن يكون مديهم الفلوس...انما هنا – ويشاور علي قلبه – مش

حلو......ومفيش راحت البال.......انا عندي اكل عيشي والعيال في المدارس وعلبه سجايري وانا فله – ويبوس

ايده وش وضهر دليلا علي الرضي يعني -



واحد رابع يقول : ماهما ليهم الدنيا واحنا لينا الاخرى ان شاء الله..ربنا يجازينا بقي ..عشان احنا تعبنا في الدنيا

--------------------------------------

انا هفهمكم العمليه تقديرا ماشيه ازاي بالنظريه الخطيره التي لم يكتشفها احد ..من علماء الفلاسفه الخمستاشر – انا معرفش ولا واحد فيهم والعدد انا مألفه -

الا وهي نظريه .....: البتنجان الاسود !!

بس الاول هناك بعض التساؤلات الي ادت الي النظريه

س1 : لو واحد غني ومعندوش راحه البال....وواحد فقير وعنده راحت البال.. طب ما كده مافيش عدل بردو

س2 : لو واحد واخد حقه- معاه فلوس ومرتاح ماديا - في الدنيا..وبيصلي وبيصوم وبيعمل كل حاجه وواحد فقير ومش واخد حقه في الدنيا..وبردو بيصلي وبيصوم وبيعمل كل حاجه - طب ما الاتنين بيعملوا نفس العمل..ليه ده يخش الجنه والتاني يخش حاجه اعلي منه...كده مفيش عدل بردو -

س3 : هي حظوظ واقدار وكل واحد واخد نصيبه وراجل اعترض !! . لا مش عافيه....لان بردو احنا عارفين الحقيقه الثابته ان الله هو العدل ..يعني عادل في كل شيء

امال تفسر بايه كل شيء فات....كل هذا تنفك شفرته..عن طريق نظريه ..

البتنجان الاسود :

شايف البتنجان السوده !؟!؟...سوده...واللون الاسود غير محبوب في عصرنا

في ناس بتحب طعم البتنجان الاسود ...عن البتنجان الابيض...مع انه اسود !!؟

البتنجانه السوده ..اكبر من البتنجان البيضه

واحد يقاطعني قائلا : ايه البتنجان الي انت بتقوله ده !!!!

---------------------------

شرح النظريه تقول....انت واثق ..ومتاكد..ان الله سبحانه وتعالي..حكم عدل في اقداره

الحج والدك .لما يجي يديك ..خمسه جنيه ...وبيدي اخوك الكبير ..ستاشر جنينه – متسألنيش اشمعني ستاشر -

لو جيت بصيت للامر..في مجمله..ابوك ظالم..بس في الحقيقه...اخوك بيركب مواصلات بحداشر جنيه

وهو رايح الجامعه.....

ده بالنسبه للوالد ..الي انت واخوك متفقين انه عادل في المصروف

مبالك بالله سبحانه وتعالي..خالق الوالد...وخالق العدل زات نفسه

حينما يعطيك بضع اقدار..ومقسمات...ورزق...لو اطنتطت..ما هتعرف تجيب احسن منه..

لذالك من حكم الله ونعمه علي الارض..انه شرع الحلال والحرام

مش كلام افلام ومسلسل العار بتاع رمضان....بس خد شيء غير حقك..مش هيدوم معاك

-----------------------

طيب بردو مجاوبناش علي الاسئله الجدليه الي فوق

ولكن اجابتها بسيطه جدا...

اولا انت لا تعلم الغيب.....اذا لا تعلم ما سيحدث كمان عشر ثوان دي الاجابه الاولانيه

الاجابه الثانيه ..مدام انت مدرك ومقتنع...بان الله عدل في تقسيمه...

اذا سترضي بما قسمه الله لك ...وانت شايف – بمنظورك انت – انه اقل من جارك الثري..الي معاه فلوس كتير وعنده عربيه شيفروليه الدبابه ..

مش هقعد اقولك زي الراجل الي بيبص في الارض وبياخد نفس عميق

انه هو عنده الفلوس ومعندوش الصحه ....وانت معندكش فلوس بس عندك الصحه..

لا الله اعلم.....بس المفروض اصلا لا تهتم ..بما عنده وما عندك..مدام انت واخد الرزق من عند الله

وانت مقتنع ان الله سبحانه وتعالي عدل في تقسيمه....يبقي هتشغل بالك بما قسمه الله لغيرك لييه بقي...

هذه هي النقطه...وبالتالي


من يرضي بقسمه الله..فهو حق ادرك ان الله عدل في تقسيمه

ومن يعترض علي حظه وقدره

اعانه الله علي الهدايه للطريق الصحيح

وحقا..القناعه كنز لا يفني

حقا القناعة كنز لايفنى
تسلم الايادى

تسلم أيديك ياسمسمه