عايزة اعرف انت قاعدة رابطة راسك كده ليه

حبايبي الحلوين أخباركم ايه يا رب تكون الصحة كويسة وعال العال
الموضوع اللي عايزة اتكلم فيه هو عدم اهتمام الست بنفسها بعد الجواز وأكن الجواز ده كان هدف ولما اتحقق خلاص هديت ونامت علي كده
يعني انا راي
ان الراجل والست ميهملوش في نفسهم
يعني لازم الراجل يكو ن شكله كويس في البيت وموضب نفسه كده ولابس حلو وحاطط برفيوم
وكمان الست لازم تكون دلوعة ومايصة كمان ومهتمة بشكلها وجمالها وجسمها
لان الراجل ملوش غيرها
يعني هو ينفع يبص لواحدة تانية طبعا لا لانه هياخد ذنوب
ولو الست كانت مهملة في شكلها ونفسها ولبسها وقالت خلاص ما انا متجوزة اكيد جوزها هيبقي زعلان منها وبيندب حظه علي الجوازة دي
طب ليه نوصله لكده
طب ما احنا نهتم بنفسنا علشانهم وعلشان نعفهم ونخليهم كده حوالينا مش عارفين يبصوا يمين ولا شمال
عايزنهم يرجعولنا أوام اول ما يخلصو شغلهم
واحنا نكون مستعدين بلبس وشكل وطريقة استقبال ليهم يعني ما ينفعش خالص يرجع من شغله يلاقينا رحتنا بصل وتوم وطبيخ وكل واحدة مش عارفة شعرها عامل ازاي اللي منكوش واللي ربطاه
نفسي اعرف ليه الستات المتجوزين غالبا قاعدين في البيت رابطين راسهم علي طول
هو بيبقه عندهم صداع وللا ايه مش عارفة

عايزة اعرف رأي الستات المتجوزة
ورأي المخطوبات
ورأي البنات اللي لسه متجوزتش
انا عايزة الموضوع ده يبقي بتاعنا كلنا
لو انا مش موجودة في غيري يرد
ويارب نفيد بعض ونحاول نبقي أحلي وأحلي
وعلشان نحس بأنوثتنا وجمالنا

ربنا يكرمك ياسمسمه على مواضيعك المميزه الرائعه وفعلا أنا معاكى فى الرئى أن الراجل والست لازم يهتموا بنفسهم بعد الزوج وخصوصا الزوجه لأزم تفضل مهتميه بمظهرهالان الزوجه بعد الزواج بلاحظ ان معظمهم بيهملوا نفسهم وده أكبر غلط ممكن تقع فيه الزوجه وفى معظ الأوقات بيبق السبب أن الرجل يتزوج مره أخره فلذلك لابد من كل زوجه أن تهتم بمظهرها وبمظهر منزلها وتكون دائما متجدده فى مظهرها ولازم لما الرجال يرجع من بره البيت يلاقى البيت جنه ويلاقى زوجته مستنياه بالدلع والراحه والسعاده